10 March 2007

मी तुकडे तुकडे करुन


मी तुकडे तुकडे करुन झोपडी बांधली
त्यांनी डोंगर चिरुन महल बांधला
मी प्रेम वाटून नाती जोपसली
त्यांनी द्वेष पसरवून महल पोखरला
मी हाताला फोड येइस्तव श्रम केले
त्यांनी पळत्याच्या मागे लागून हातचे घालवले
माझ्या घामाचं शांत निद्रेत परिवर्तन झालं
त्यांना झोपही नाही, तरी घर लुटलं
सुर्यकिरणांने माझी झोपडीत प्रकाश वाटला
आलिशान झुंबरातही महलात अंधार दाटला
मी सरी झेलल्या पावसाच्या अंगावरी
त्यांना टब मध्येही उकडतंय भारी
माझ्यामागे पिल्लांना जगण्यासाठी उरलं काही
त्यांची भरमसाठ संपत्तीसाठी वारसचं नाही

@सनिल पांगे

No comments: