10 March 2007
मी केंद्रबिंदू
ना मी पूर्वेचा, ना पच्छिमेचा
माझा प्रवास दाही दीशेचा
ना मी उत्तरेचा, ना दक्षिणेचा
मी केंद्रबिंदू आकाशगंगेचा
ना मी धरतीचा, ना आभाळाचा
मी चुंबन त्या क्षतिजरेषाचा
ना मी गर्भातला,ना मी सरणावरचा
मी आत्मा शरिरातल्या गणवेशाचा
ना मी भावनांचा, ना मी विचारांचा
मी खेळ खंडोबा तुमच्या कल्पनांचा
ना मी आजचा, ना मी कालचा
मी एक दुवा हरेक काळांचा
ना मी आशेचा, ना मी निराशेचा
मी तर भोग तुमच्या कर्माचा
ना मी ह्या जातीचा, ना त्या जमातीचा
मी तर इतिहास मनुष्य धर्माचा
ना मी भरतीचा, ना आहोटीचा
मी शांतता सागराच्या खोल पातळीतली
ना मी आगीचा, ना मी धूरांचा
मी ज्वालामुखी पृथ्वीच्या पोटातली
ना मी अमका, ना मी तमका
मी तर श्वास प्रत्येक मनांचा
ना मी चंद्राचा, ना मी चांदण्यांचा
मी जगतो ते भारवलेल्या क्षणांचा
सनिल
Subscribe to:
Post Comments (Atom)
No comments:
Post a Comment