10 March 2007
तुझ्या विषयी काही वाटताना
वाटतं सुखानेही तुझ्याकडे धाव घेताना
अचानक होणारा स्पर्श जाणावा
चुकून डोळ्यांतून अश्रु ओघाळला
तर आधी शिंपला शोधून आणावा
वाटतं तुझ्या आयुष्याच्या वाटेवर
सर्वत्र पसरली मखमल असावी
चुकून एखादा काटा कधी रुतला
तरी वेदना फुलांहून कोमल असावी
वाटतं देवानेही तुझ्यासाठी
नवस न बोलता पावावं
तू हाक मारण्याआधीचं
स्वःखुशीने तुझ्याकडे धावावं
वाटतं सासरी तू पाऊल ठेवताच
सासूच्या रूपात तुला आई लाभावी
ती तुझी आई पेक्षा, तू
तिची मुलगी शोभावीसतसं
खूप वाटतं तुझ्याविषयी
पण हा कागद म्हणून बरं आहे
आणि तूझं ऐंकायचं झालं तर
तुझं अखंड आयुष्य अपूरं आहे
*******सनिल पांगे.
Subscribe to:
Post Comments (Atom)
No comments:
Post a Comment