तू राज्य कर मनावर रे

मना स्वत:स सावर रे
तुझा मोह जरा आवर रे
स्वप्नाचा तरंग उठता
का स्वत:स लादशी त्यावर रे

मना स्वत:स सावर रे
मना का नाही ऐकत रे
स्वप्नं ते रुपेरी जरी,
खिशाची नाही ऐपत रे

मना स्वत:स सावर रे
पाय राहूदे जमनीवर रे
मोह, माया सारं सारं
मृगजळ असते वरवर रे

मना स्वत:स सावर रे
स्वत:स घडवं कणखर रे
स्वप्नांनी जरी भुलवलं तरी
आनंद असतो तो क्षणभर रे

मना स्वत:स सावर रे
तू राज्य कर मनावर रे
जिंकून मनं उतर तू
इतिहासाच्या पानावर रे

@सनिल पांगे