10 March 2007

तुम्ही विद्वान असून


मी कुठे पत्ते उघडले अजून
मी तर "ब्लाईंड" गेम खेळतोय
चाल खेळण्या आधीचा
मी तो "माईंड गेम" खेळतोय

मी कुठे पत्ते उघडले अजून
आजवर फक्त आत्मविश्वास मानले
मी तर नोटांच्या बंडला घेऊन आलो
अरे..रे तुम्ही फक्त सुट्टे आणले?

मी कुठे पत्ते उघडले अजून
तरी माझ्या विरुद्ध सारेचं कसे
मी अज्ञान, मुर्ख, वेडा, अढाणी
तुम्ही विद्वान असून कोरेचं कसे

मी कुठे पत्ते उघडले अजून
आणि ते पिसलेही मी कधी होते
मग पत्ता टाकताना तुमची नजर
आपाआपसात का खाते गोते

मी कुठे पत्ते उघडले अजून
तीन बादशाह, म्हणून सुखावलात का
९९९% तुमचाचं विजय, पण
मिळवण्या आधीच लडखडलात का

उघडतोय मी पत्ते आता, पण
"पॅक" करून तुम्ही डाव सोडता का
दोन-तीन-पाच माझ्याकडे पाहून
एकमेकांची डोकी फोडता का?

सारांशपत्ते असो वा जिवन
विजयी टिळकं त्याच कपाळी लावता
तजे पराभवाच्या खोल पोकळीतूनही
संधी मिळताच बाजी पलटवतात

@सनिल पांगे

1 comment:

Abhijit Galgalikar said...

wah sanil... jabari ekdum...