मी बोलका पुतळा

मी कोण हा इथे
लाका प्राण इथे रुतला
दगड केला साऱ्यांनी
मी बोलका पुतळा

ना मी भाव कवितेतला
ना गझलेतला मतला
मी अडथळा शब्दातला
मी अर्थहीन पुतळा

न सूर तो मी आतला
ना नूर मी संगीतातला
आवाज कर्कश कंठातला
मी बेसूर पुतळा

तो स्पर्श कसा बाजारातला
हा जन्म कसा पापातला
मी प्रश्न सुज्ञान समाजातला
मी बेवारशी पुतळा

तो कोण असा भेटला
का घाव उरी घातला
मी श्वास उसना घेतला
मी कर्जबाजारी पुतळा

ना ओळखले मी तुजला
ना ओळखले तू मजला
अंकूर नासलं प्रेमातलं
मी निरवंशी पुतळा

@सनिल पांगे